Брюссель ЕИга аъзо мамлакатлар томонидан Украинага қурол-яроғ тақдим этилишини текширишни бошлади

Брюссель Россиянинг мамлакатга кенг кўламли бостириб кириши ортидан Европа Иттифоқига аъзо давлатлар Украинага қанча қурол-аслаҳа тақдим этгани, айрим давлатлар имкон қадар кўпроқ қурол юбора олмагани ҳақидаги даъволарга жавобан текширув ўтказмоқда. Ғарбнинг Украинага кўрсатаётган ҳарбий ва молиявий ёрдами сўнгги ойларда камайиб, Киевнинг Россия ҳужумларидан ҳимояланиш ва қарши ҳужум амалиётларини бошлаш имкониятларини чеклади. Бу деярли икки йиллик урушдан сўнг Украинага ёрдам бериш истаги сусайиб бораётганидан хавотир уйғотди. Financial Times нашрига кўра, кўриб чиқиш Европа ташқи ҳаракатлар хизмати EEAS сўровларига жавобан аъзо давлатлар томонидан тақдим этилган материалларга асосланади. Бироқ, баъзи давлатлар тўлиқ маълумот беришдан бош тортиб, қаршилик кўрсатди.

Аудит Европа Иттифоқи ва АҚШ Киев учун умумий қиймати 110 миллиард долларга яқин янги қутқарув пакетларини имзолаш имконини берувчи сиёсий консенсусга эришмоқчи бўлган пайтга тўғри келди.

Аудит ўтказиш тўғрисидаги қарор Германия канцлери Олаф Шольцнинг ўтган ҳафта Европа давлатларининг Украинага ҳарбий юкларини санаш ва солиштиришни талаб қилган баёноти ортидан қабул қилинди. Шольцнинг таъкидлашича, Европа Иттифоқига аъзо кўпчилик давлатлар томонидан Украинага режалаштирилган қурол етказиб бериш етарли эмас.

Германия ҳукумати раҳбари 1 февралдаги саммитгача европалик ҳамкорларнинг Украинани қўллаб-қувватлашдаги ҳиссаси ҳақида аниқроқ тушунчага эга бўлиш зарурлигини айтди.

​