Челябинск суди ўсмир болани ўлдирган муҳожирларга ҳукм чиқарди

Челябинск област суди 2023 йил баҳорида “Космос” савдо маркази яқинида Игорь исмли ўсмир болани ўлдирган тожикистонлик муҳожирларга нисбатан ҳукм чиқарди. Бу ҳақда “Комсомольская правда” нашрининг маҳаллий таҳририяти хабар беради.

Уларга 4,5 йилдан 18 йилгача қамоқ жазоси тайинланди. Шахром Мировга энг оғир – 18 йил жазони қаттиқ режимли колонияда ўтказиш жазоси тайинланди. Унинг укаси Тоир Жалилов 9 йилу 6 ой умумий режимли колонияга ҳукм қилинди. Сабуров ва Сатторов 14 йилга қаттиқ тартибли колонияга ҳукм қилинди. Имомов ва Ахмадов 5,5 йил умумий тартибли колонияга ҳукм қилинди. Зоир Жалилов – 5 йил умумий режимли колонияга ҳукм қилинди. Хушет Одинаев – ягона россиялик фуқаро, у уй қамоғида эди – у 4 йил 6 ой умумий режимдаги колонияга ҳукм қилинди.

Вазият интернетда безорилик билан бошланган. Эгизак Жалиловлардан бирига аккаунтдан худди шундай исм ва суратли хабар келган. Унинг устидан ҳазил қилишган, бу уни хафа қилган. Шундан сўнг, айбдорларни топишга ҳаракат қилган. Улардан бирида маҳаллий ўсмир Игорь бўлиб, Шахром Миров унинг кўкрагига пичоқ билан урган. Кейин бошқа одамлар яқинлашиб, ўсмирни калтаклашда давом этишган. Игорь тез ёрдам келгунга қадар вафот этган.