Дронлар 19 май куни Россиядаги аэродромда қирувчи самолётларни шикастлади
“Схемы” журналистлари 19 майга ўтар кечаси Россиянинг Краснодар ўлкасидаги Кушчевская аэродромига Украина дронларининг ҳужуми оқибатларини акс эттирувчи Planet Labs сунъий йўлдош суратларини эълон қилди.
“Схемы” ва “Радио Свобода” рус хизмати сўровига кўра, авиация эксперти Анатолий Храпчинский сунъий йўлдош тасвирларини таҳлил қилди ва аэродромдаги Украина дронлари камида иккита рус қирувчисига зарар етказганини таъкидлади. Унинг сўзларига кўра, суратларда Су-34 қанотлари шикастланган ёки олиб ташланган ҳолда тургани, Су-27 эса аэродромнинг бошқа қисмида шикастланганини кўриш мумкин.
“Кушчевская” аэродроми, 2024 йил 23 май. Фотосурат: “Схемы”
“11 майдан буён ўз позициясини деярли ўзгартирмаган ва шикастланган Су-27 ёнида жойлашган Су-30 ҳам шикастланган бўлиши мумкин”.
Храпчинский, шунингдек, Украина дронларининг ҳужумларидан сўнг рус қирувчиларининг аксарияти ушбу аэродромдан кщчирилганини таъкидлади. Бундан ташқари, авиация экспертининг қўшимча қилишича, Кушчевская аэродроми Краснодар олий ҳарбий авиация мактабининг ўқув базаси бўлиб, у ерда россияликлар бўлажак учувчиларни тайёрлайди. Бироқ ҳозир Россия бу аэродромдан ҳам Украина позицияларига ҳужум қилиш учун фойдаланмоқда.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Мудофаа вазирлигининг илмий-тадқиқот институти раҳбари ўзини Қизил майдонда ёқишга уринди
Экология вазирлигига қўшимча ваколатлар берилди
Қарзини тўламаган корхонанинг автотранспортлари ауксионда сотилди
Бу йил қанча абитуриент тестга кирган ва қанчаси четлаштирилган
Юқоричирчиқда BMW йўл четида тўхтаб турган Tracker'га бориб урилди
USD
EUR
RUB
Шарҳлар