Европа Иттифоқи Беларусга қарши санкцияларни кучайтирди

Европа Иттифоқи Кенгаши Россиянинг Украинага қарши ноқонуний, асоссиз тажовузида Лукашенко режимининг иштироки учун Беларусга қарши янги санкциялар пакетини қабул қилди, дея хабар беради ЕИ кенгаши сайти.

Янги чекловлар Россияга қарши жорий қилинган чора-тадбирларнинг кўзгуси бўлиб, “Россия ва Беларусь иқтисодиётларининг юқори даражадаги интеграциясини” ҳисобга олган ҳолда Москванинг Европа санкцияларини четлаб ўтиши муаммосини ҳал қилиш учун киритилмоқда.

Бугун келишилган чора-тадбирлар Беларусь иқтисодиётининг турли соҳаларига таъсир қилади. Хусусан, ЕИ Кенгаши икки томонлама мақсадли товарлар ва технологияларни экспорт қилишни тақиқлашни узайтирди, шунингдек, Беларусь саноат салоҳиятини мустаҳкамлашга ёрдам берадиган товарлар экспортига қўшимча чекловлар киритди. Белоруссияга денгиз ташиш ва ҳашаматли товарлар учун товарлар ва технологияларни экспорт қилишга ҳам қўшимча чекловлар киритилмоқда.

“Импортга келсак, Беларусдан олтин ва олмоснинг тўғридан-тўғри ва билвосита импортини (…) тақиқлашга қарор қилинди. Қарор гелий, кўмир ва минераллар, жумладан, хом нефтга ҳам тааллуқлидир”, — дейилади Европа Иттифоқи кенгаши баёнотида.