Германияда ўлдирилган чечен командирининг беваси Красиковнинг Россияга берилишини қоралади

Манана Цатиева қариндошлари билан ҳеч ким расман маслаҳатлашмаганига ҳайрон бўлди.

У DW га берган изоҳида: “Улар бундай ишни қилишларини хаёлимга ҳам келтирмагндим”, – дейди.

Унинг сўзларига кўра, Москванинг Зелимхон Хангошвилининг қотилини алмашишга уринишлари ҳақидаги миш-мишлар Красиков судидан кейин дарҳол бошланган. “Кейин адвокатлар бизни ишонтириб, бунинг иложи йўқлигини: агар улар умрбод қамоқ жазосига ҳукм қилишса, бу одам муддатининг камида ярмини мамлакатда ўтказиши кераклигини айтишганди”, – дейди Цатиева.

“Нега улар ҳеч бўлмаганда оиладан сўрашмади, гўёки бу оила йўқдай, гўёки бу жароҳатлар содир бўлмагандай”, – дейди Германияда яшовчи чечен командирининг беваси. Хангошвилининг оиласи “алмашинув натижасида бировнинг ҳаёти сақланиб қолганидан” хафа эмас.