Хитой АҚШ билан қурол назорати бўйича маслаҳатлашувларни тўхтатди

Хитой АҚШ билан қуролларни назорат қилиш ва тарқатмаслик бўйича маслаҳатлашувларни тўхтатишга қарор қилди. Бу ҳақда Хитой Ташқи ишлар вазирлиги расмий вакили Лин Тсзян брифинг чоғида маълум қилди, дея хабар беради The Paper.

“Хитой Қўшма Штатлар билан қурол назорати ва қуролларни тарқатмаслик бўйича маслаҳатлашувларнинг янги босқичини тўхтатишга қарор қилди. Мавжуд вазият учун жавобгарлик бутунлай АҚШ зиммасига юкланади”, – дейди у.

Бу Қўшма Штатлар узоқ вақтдан бери Хитойнинг Тайванга қурол сотишга йўл қўйилмаслиги ҳақидаги баёнотларини эътиборсиз қолдиргани учун содир бўлди, дея қўшимча қилди Лин.

ТИВ вакили АҚШнинг ҳаракатлари Хитойнинг асосий манфаатларига жиддий зарар етказганини ва сиёсий ўзаро ишончга путур етказганини таъкидлади. Лин шунингдек, Хитой ўзаро ҳурмат, тинч-тотув яшаш ва ғалаба қозонган ҳамкорлик асосида қуролларни назорат қилиш масалалари бўйича Қўшма Штатлар билан алоқаларни давом эттиришга тайёрлигини айтди. Қўшма Штатлар  Хитой манфаатларини ҳурмат қилиши ва мулоқот учун шароит яратиши керак, деди у.