Хитой Ғазо бўйича халқаро конференцияни чақиришни таклиф қилди

Хитой Халқ Республикаси Раиси Си Цзиньпин Исроил ва Хамас террорчилик ҳаракати ўртасидаги урушга барҳам бериш мақсадида кенг қамровли тинчлик учрашувини чақиришга чақирди.

«Яқин Шарқ ривожланиш истиқболларига бой юрт, лекин у ҳанузгача урушга гирифтор», – деди хитой раҳбари Пекинда араб давлатлари вакиллари олдида нутқ сўзлар экан. «Уруш абадий давом этмаслиги, адолат абадий ғойиб бўлмаслиги, «икки давлат борасидаги ечим» эса ўзбошимчалик билан чайқатилмаслиги керак», – таъкидлади Си Цзиньпин.

Унинг сўзларига кўра, Хитой «1967 йиллардаги чегаралар доирасида пойтахти Шарқий Қуддусдаги мустақил Фаластин давлатини барпо этишни, Фаластиннинг БМТга тўлақонли аъзо сифатида қабул қилинишини ва янада кенгроқ, обрўли ва самарали халқаро тинчлик конференциясини чақиришни қатъий қўллаб-қувватлайди».

Си Цзиньпиндан сўнг сўзга чиққан Миср президенти Абдул Фаттоҳ Ас-Сиси халқаро ҳамжамиятни Исроилнинг Ғазодаги Хамас билан урушига барҳам беришга чақирди.

«Мен халқаро ҳамжамиятдан Ғазога узоқ муддатли инсонпарварлик ёрдамини дарҳол тақдим этишни, Исроил қамалини тугатишни ва фаластинликларни зўравонлик билан ўз ерларидан ҳайдаб чиқариш уринишларини тўхтатишни сўрайман», – деди Ас-Сиси.