Қирғизистонда марҳумларни кремация қилишга расман рухсат этилди

Қирғизистон Республикаси шаҳарларида давлат крематорийларини қуриш режалаштирилмоқда, деди ЖК депутати Марлен Маматалиев матбуот марказида бўлиб ўтган брифингда.

Унинг аниқлик киритишича, крематорийлар ҳақидаги банд яқинда қабул қилинган “Дафн этиш ва дафн этиш иши тўғрисида”ги қонунда бор (Маматалиев қонун лойиҳаси ташаббускорларидан бири).

“Бизда одам ўлганидан кейин кремация қилиниши керак деган фикрда бўлган одамлар бор. Янги қонун крематорийлар қуришни назарда тутади. Уларда нафақат инсон танаси, балки айрим касалликларга чалинган ўлик ҳайвонлар ҳам ёқиб юборилади”, — дейди депутат.

Унинг сўзларига кўра, крематорийлар давлат ҳисобидан ва фақат шаҳарларда қурилади, аммо аниқ сони ҳозирча номаълум.

“Олти ой муддатда қўшимча ҳуқуқий ҳужжатлар ва меъёрий ҳужжатлар қабул қилинади. Одамни кремация қилиш тартиби маълум текширувдан ўтиши керак. Крематорийлар фаолияти давлат идоралари томонидан назорат қилинади”, – дея қайд этади Маматалиев.

​