ISW: Кремл Трамп инаугурацияси олдидан Украина билан музокаралар ўтказиш шартларини илгари сурмоқда

Кремл Доналд Трампнинг бўлажак инаугурацияси фонида Украина билан потенциал тинчлик музокаралари шартларини белгилашга фаол ҳаракат қилмоқда, дея хабар беради Америка урушни ўрганиш институти (ISW).

Таҳлилчиларга кўра, Кремл ҳамон Украинанинг тўлиқ таслим бўлишини таъкидлаб келмоқда ва музокаралардан ўз манфаатларини ҳимоя қилиш йўли сифатида фойдаланмоқда. Россия Ташқи ишлар вазирлиги матбуот котиби Мария Захаровага кўра, Ғарбнинг Киевга ҳарбий ёрдами тўхтаган тақдирдагина тинчлик ўрнатиш мумкин. ТИВ раҳбари Сергей Лавров ҳам Трампнинг келиши АҚШнинг Украинага муносабатини ўзгартирмаслигини таъкидлади.

Бу баёнотлар Владимир Путиннинг Вашингтон билан муносабатларни тиклашга тайёрлигини намойиш этишга уринишларига путур етказади. ISWнинг фикрича, Кремл АҚШнинг янги маъмурияти ўз тарафидан ўзаро қадамлар қўймасдан, имтиёзларга умид қилмоқда.