Японияда кучли ёмғир туфайли 30 мингга яқин одам эвакуация қилинмоқда

Япониянинг ғарбий Хонсю оролидаги Ишикава префектурасида рекорд даражадаги ёғингарчилик туфайли 30 мингга яқин аҳоли эвакуация қилиниши эълон қилинди.

Япония метеорология бошқармаси кучли ёғингарчилик сабабли “махсус хавф” ҳақида огоҳлантирди. Жорий йилнинг 1 январида содир бўлган зилзиладан жабр кўрган Важима ва Сузу шаҳарларида хавф даражаси мумкин бўлган бешдан тўрттаси бўлган. Бу имкон қадар эвакуация қилиш учун кучли тавсияни англатади.

Важимага 257 мл ёғингарчилик тушгани маълум бўлди, бу 1975 йилдан бери энг юқори кўрсаткичдир. Ёмғир кўча ва йўлларни сув босди, 4,8 мингга яқин уй электр энергиясиз қолди. Шунингдек, камида бир киши бедарак йўқолган. Ёнғин бригадаси ва полиция ёрдам сўраб кўплаб мурожаатларни қайд этмоқда.

Жами 29 750 киши эвакуация қилиниши кутилмоқда. Вазият кескинлигича қолмоқда ва расмийлар аҳолини об-ҳаво ҳақидаги огоҳлантиришларни кузатишга ва хавфсизлик чораларига риоя қилишга чақирмоқда.