Kan Исроил ва Хамас ўртасидаги музокаралар тўхтатилгани ҳақида хабар берди

Исроил ва Фаластиннинг Хамас ҳаракати ўртасида ўзаро асирларни алмашиш бўйича музокаралар томонларнинг келишмовчиликлари сабабли тўхтатилган. Бу ҳақда Kan телерадиокомпанияси ўз манбаларига асосланиб хабар беради.

Kan мухбирларининг сўзларига кўра, музокараларга воситачилик қилаётган Миср ва Қатар асосий шарт сифатида асирларни озод қилиш эвазига урушнинг тугатилишини талаб қилмоқда. Шу билан бирга, «уруш интиҳоси» термини ва Хамас озод қилинишини талаб қилиши мумкин бўлган террорчиларнинг номларига нисбатан Исроилнинг вето қўйиши талаби бўйича томонларнинг позициялари кескин фарқ қилади.

«Миср ва Қатар Исроил билан келишувни имзолашга йўл қўймайдиган Хамаснинг позициясини қўллаб-қувватламоқда», – дейишмоқда манбалар.