“ЛНР”даги полигонга ракета ҳужуми натижасида 10 нафар ҳарбий хизматчи ҳалок бўлди

13 март куни эрталаб Луганск области Трёхизбенка қишлоғи яқинидаги ҳарбий полигонга 3 та номаълум ракета ҳужум қилган.

Ҳужум оқибатида камида 10 нафар ҳарбий хизматчи ҳалок бўлган. Ҳалок бўлганлар ва жароҳатланганларнинг аниқ сони номаълум, деб ёзади Astra.

Белгород областида беш нафар муддатли ҳарбий хизматчи асирга олинганини ҳам ёзган эдик. «Свобода России» легионининг ҳужуми Белгород областидаги давлат чегарасини қўриқлаётган гуруҳ учун кутилмаганда содир бўлган.