Моди Путинга “уруш – ечим эмас”лигини билдирди

Ҳиндистон бош вазири Нарендра Моди Россия президенти Владимир Путинга “уруш – ечим эмас”лигини билдирди. Бу ҳақда у Кремлда Путин билан учрашувда Украинадаги можарога изоҳ бераётганида айтди.

“Ечим уруш орқали бўлиши мумкин эмас. Бомбалар, ракеталар, милтиқлар тинчликни таъминлай олмайди. Шунинг учун биз мулоқотга урғу берамиз ва мулоқот зарур”, — деди Моди. Моди буни “дўст” сифатида айтаётганини ва “авлодларимизнинг порлоқ келажаги” учун зарурлигини таъкидлаган.

Модининг қайд этишича, учрашув чоғида президентлар бир-бирига ҳурмат билан “очиқ тарзда” Украина мавзуси бўйича фикр алмашган.

Бу Ҳиндистон бош вазирининг Путинга Украинадаги можаро мавзусида биринчи марта мурожаат қилиши эмас. Шундай қилиб, 2022 йил сентябрь ойида Самарқандда бўлиб ўтган Шанхай Ҳамкорлик Ташкилоти саммитида Моди Путинга “ҳозирги давр уруш даври эмас, сиз ва мен буни кўплаб телефон суҳбатларида муҳокама қилганмиз. Бугун биз тинчлик йўлида қандай қилиб олға боришимиз ҳақида гаплашиш имконига эгамиз” деганди.