НАТОнинг янги бош котиби иттифоқчиларни Путиннинг ядро таҳдидларига эътибор бермасликка чақирди

НАТО аъзолари Кремлнинг Украинага Ғарб мамлакатлари ҳарбий ёрдамини заифлаштириш мақсадида қилаётган ядровий таҳдидларидан қўрқмаслиги керак, деб маълум қилди НАТО Бош котиби Марк Рютте. Унинг сўзларига кўра, келаси ҳафта бошланадиган ядровий машқлар бундай таҳдидларга жавоб беришга тайёр эканликни намойиш этади.

Пайшанба куни Рютте Лондонда Британия Бош вазири Кир Стармер билан учрашди ва кейин у билан Владимир Зеленский ўртасидаги музокараларда иштирок этди. Украина президенти ўзининг «ғалаба режаси»ни муҳокама қилиш ва қурол етказиб беришни кўпайтириш ҳамда Россия ҳудудининг ичкарисига узоқ масофали зарбалар бериш фойдасига яна бир бор далиллар келтириш учун Европанинг йирик мамлакатларига сафар қилди. Ғарб ракеталари билан бундай зарбаларга қўйилган тақиқни бекор қилиш имконияти Владимир Путинни: Москва буни НАТО мамлакатларининг Россия-Украина қарама-қаршилигида бевосита иштироки деб ҳисоблайди, бу эса «можаронинг моҳиятини, табиатини тубдан ўзгартиради» деб айтишга ундади.

Шунинг учун Путин ядро доктринасини тузатишни таклиф қилди, токи ядро давлати томонидан қўллаб-қувватланадиган ноядровий давлат томонидан «агрессия» Россияга қарши қўшма ҳужум сифатида баҳолансин. Унинг сўзларига кўра, стратегик авиация, қанотли ракеталар, гиперовоз аппаратлари ва учувчисиз учиш аппаратлари каби ҳаво-космик ҳужум воситаларининг Россиядаги нишонларга оммавий равишда учирилиши тўғрисида «ишончли маълумот» олинган тақдирда ядро қуролини қўллаш имконияти ҳам аниқлаштирилиши керак.