ОАВ: Хитой самолёти Япония ҳаво ҳудудини бузгани сабабли мамлакат ўз қирувчиларини осмонга кўтарди

Япониянинг мудофаа кучлари Хитойнинг Y-9 самолёти ҳаво ҳудудини бузгани учун ўзининг қирувчи самолётларни осмонга кўтарди. Бу ҳақда Reuters агентлигига таяниб, АПА хабар беради.

Ҳарбий департаментнинг таъкидлашича, бу Хитой ҳарбий самолётларининг Япония ҳаво ҳудудини биринчи марта бузиши. Шу муносабат билан мамлакат ҳукумати дипломатик каналлар орқали Пекинга кескин норозилик билдирган.