Қозоғистон квадробикани тақиқлаш имкониятини кўриб чиқмоқда

Қозоғистонлик депутат Даулет Мукаевнинг айтишича, мамлакат ҳукумати квадробикани тақиқлаш бўйича қонун лойиҳаларини ишлаб чиқмоқда.

Унинг сўзларига кўра, бу масала жамиятни ташвишга солмоқда ва ижтимоий-ҳуқуқий тўсиқлар яратишни, шунингдек, болалар ижтимоий тармоқларини назорат қилишни талаб қилади.

Квадробика – бу норасмий спорт тури бўлиб, унда иштирокчилар ҳайвонларнинг ҳаракатига тақлид қилиб, тўрт оёққа ҳаракатланадилар.