Қозонда Путиннинг парвоз йўналиши махфийлаштирилди

Путин Қозонда Ту-160М ​​ракета ташувчисида учди. Парвоз йўналиши сир тутилди. 22 февраль куни тушдан кейин Путин Қозон авиация заводининг учиш-қўниш йўлагига етиб келди, президент кортежи тўғридан-тўғри борт ёнида тўхтади, деб ёзади «ТАСС».

Парвоз 30 дақиқа давом этди, дея хабар беради “РИА Новости”. Россия президенти матбуот котиби Дмитрий Песков аввалроқ парвоз йўналиши “ҳарбий сир” бўлгани учун ошкор этилмаганини билдирганди.

Парвоздан кейин Путин “Ту-160М” самолётини ​​”қуролли кучларга қабул қилиш мумкинлигини” айтди.

Бу Владимир Путиннинг 25 йил ичида жанговар самолётдаги учинчи парвози, деб ёзади РБК. 2000 йилда ўша пайтдаги президент вазифасини бажарувчи Путин иккинчи учувчи сифатида Су-27 қирувчи самолётини бошқарганди. 2005 йилда Путин узоқ масофага учувчи қанотли ракетани синовдан ўтказиш вақтида Ту-160 самолётини бошқарган.

​