Пентагон Украинага 250 млн доллар миқдорида ҳарбий ёрдам пакетини эълон қилди

АҚШ маъмурияти жума куни Украинага 250 миллион доллар миқдорида навбатдаги ҳарбий ёрдам пакетини эълон қилади, бу ҳақда мудофаа вазири Ллойд Остин Германиядаги Американинг Рамштайн авиабазасидаги алоқа гуруҳи йиғилишида маълум қилди.

“АҚШ президенти Байден бугун Украинага 250 миллион доллар миқдорида хавфсизлик бўйича қўшимча ёрдам пакети ажратилишини эълон қилади”, — деди Пентагон раҳбари.

Остин ёрдам Киевнинг “ўзгарувчан эҳтиёжларини қондириш” имконини беришига  ва у “ҳарбий тезликда” етказилишига умид қилмоқда. Вазирнинг сўзларига кўра, гуруҳ Украинани ҳаво ҳужумидан мудофаа воситалари, қурол-яроғ ва зирҳли техникалар билан таъминлашга қаратилган.