Песков Давосдаги тинч режа бўйича учрашув ҳақида ўз фикрини билдирди

Россия президентининг матбуот котиби Дмитрий Песков Давосдаги тинчлик режаси бўйича Россия иштирокисиз ўтаётган йиғилиш ижобий натижа бериш истиқболига эга эмас, деган фикрни билдирди. Песков конференц-алоқа чоғида бу музокаралар аниқ натижага эришишга қаратилмаганини, чунки Россия уларда иштирок этмаётганини таъкидлади, деб ёзади ura.news.

“Биз бу жараёнга бир неча бор ўз баҳомизни берганмиз. Аслида, бу шунчаки гапириш учун гапирилади. Жараён аниқ натижага эришишга қаратилган бўлиши мумкин эмас. У ерда Россия қатнашмаяпти. Бизнинг иштирокимизсиз мунозаралар бўлиши мумкин, аммо улар истиқболдан маҳрум”, — деди Песков.

Давосда Украина “тинчлик формуласи” бўйича музокаралар аниқ режа ишлаб чиқилмасдан якунланди. Уларда 83 давлат, жумладан, Осиё ва Африка мамлакатлари вакиллари иштирок этди. Украина ўзининг тинчлик режасини Глобал жанубдаги мамлакатлардан қўллаб-қувватлашини кутганди, аммо бундай ёрдамни ололмади.