Путин Грузия фуқаролар учун виза тартибини соддалаштирди
Россия президенти Владимир Путин Грузия фуқароларининг Россияга кириши ва чиқиши тартибини соддалаштирувчи фармонни имзолади. 10 октябрда эълон қилинган ҳужжат фуқароларнинг айрим тоифалари учун визасиз режимни кенгайтиради.
Янги фармонга кўра, эндиликда Грузия фуқаролари Россияга визасиз нафақат қисқа муддатли саёҳатлар учун, балки ишлаш учун ёки вақтинча бўлиш, жумладан, таълим олиш мақсадида ҳам 90 кундан ортиқ муддатга киришлари мумкин. Илгари бундай тоифадаги фуқароларнинг визасиз кириш ҳуқуқи чекланган эди.
Фармон эълон қилинган пайтдан эътиборан кучга киради. Грузия фуқаролари Россияга Грузия фуқаросининг паспорти, дипломатик ёки хизмат паспорти, денгизчи китоби ёки Грузияга қайтиш учун юриш ҳужжати каби ҳақиқий шахсини тасдиқловчи ҳужжатлар асосида ташриф буюриши мумкин.
Бу қарор икки давлат ўртасидаги миграция оқимига сезиларли таъсир кўрсатиши ва Россияда ишлаш ёки ўқиш истагида бўлган кўплаб Грузия фуқароларининг ҳаётини осонлаштириши мумкин.
If you have found a spelling error, please, notify us by selecting that text and pressing Ctrl+Enter.
Тавсиялар
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
АҚШ санкцияларидан кейин Россия давлат банкларида Хитойнинг UnionPay карталари билан муаммолар бошланди
Тошкент аэропортида ногиронлиги бўлган шахслар ҳам ишга олинади
USD
EUR
RUB
Шарҳлар