Путин Столтенбергнинг Украинага ғарб қуроли билан Россиядаги нишонларга зарба беришга қўйилган тақиқни бекор қилиш ҳақидаги сўзларига муносабат билдирди

Путин Столтенбергнинг Украинага Россиядаги нишонларга зарба бериш учун Ғарб қуролларидан фойдаланишга қўйилган тақиқни бекор қилиш ҳақидаги сўзларига муносабат билдирди.

“Агар у [Столтенберг] Россия ҳудудига юқори аниқликдаги узоқ масофали қуроллар билан зарба бериш имконияти ҳақида гапираётган бўлса, у ҳарбий-сиёсий ташкилотга раҳбарлик қилаётган шахс сифатида, гарчи у мен каби оддий фуқаро бўлса-да, юқори аниқликдаги узоқ масофага учувчи қуролларни космик разведка воситаларисиз қўллаш мумкин эмаслигини  билиши керак”, — деди Путин Ўзбекистонга ташрифи якунлари бўйича.

Унинг сўзларига кўра, Storm Shadow каби зарба тизимларида нишонни танлаш ва парвоз миссияси «Украина ҳарбийларининг иштирокисиз» амалга оширилади.

“Буни ким қилади? Буни ишлаб чиқарувчи ва Украинага ушбу зарба тизимларини етказиб берадиганлар амалга оширади. Умуман олганда, бу Украина ҳарбийларининг иштирокисиз ҳам бўлиши мумкин ва бўлади”, — дейди Россия раҳбари.

«Шундай қилиб, НАТО давлатларининг бу вакиллари, айниқса Европада, айниқса кичик мамлакатларда, улар, умуман олганда, нима билан ўйнашаётганидан хабардор бўлишлари керак. Улар қоида тариқасида, кичик ҳудудга ва жуда зич аҳолига эга давлатлар эканини доим ёдда тутишлари керак. Бу эса Россия ҳудудига чуқур зарбалар бериш ҳақида гапиришдан олдин ёдда тутилиши керак бўлган омил”, – дейди Путин.

НАТО бош котиби Йенс Столтенберг бугун Брюсселда бўлиб ўтадиган Европа Иттифоқи мудофаа вазирларининг йиғилишидан олдин Украина Россия ҳудудидаги “қонуний нишонларга” зарба бериш учун Ғарб томонидан етказиб берилган қуроллардан фойдаланиш имкониятига эга бўлиши кераклигини, акс ҳолда Украина Қуролли кучлари қўли боғланганлигини сабабли ўзини самарали ҳимоя қила олмаслигини билдирди. НАТО раҳбарининг фикрича, бу чекловларни қайта кўриб чиқиш вақти келган.