РФ Давлат думасига иккинчи фуқароликка эга россияликлар учун солиқлар оширилиши ҳақидаги қонун лойиҳаси киритилди

Давлат Думасига иккинчи фуқароликка эга бўлган россияликларга нисбатан «дискриминацион солиққа тортиш»ни назарда тутувчи қонун лойиҳаси киритилди. Ташаббус муаллифлари “дўстона бўлмаган давлат фуқаролигидан воз кечишдан” бош тортганлар учун солиқ ставкасини икки баравар оширишга чақиришган. Россия паспортини олган хорижликларга олти ой ичида бошқа фуқаролигидан воз кечиш таклиф қилинмоқда

Давлат Думасига бошқа давлат фуқаролигига эга бўлган россияликларни камситувчи солиққа тортиш тўғрисидаги қонун лойиҳаси киритилди. Ҳужжат қонунчилик фаолиятини  таъминлаш тизимида эълон қилинди. Унинг муаллифлари «Справедливая Россия  – За правду» партиясининг депутатлари Михаил Делягин, Юрий Григорьев ва Николай Новичков.

«Агар қонун лойиҳаси қабул қилинса <…> Россия Федерациясининг туғилиши билан Россия Федерацияси фуқаролигини олган фуқаролари [иккинчи фуқаролиги билан] дискриминацион солиқ режимига дучор бўлишади. Россия Федерацияси Солиқ кодексининг иккинчи қисмига тегишли ўзгартиришлар киритилмоқда «,  дейилади изоҳ хатида.

Шунингдек, унда айтилишича, «дўстона бўлмаган давлат фуқаролигидан воз кечишни истамаган» россияликлар учун «солиқ ставкасини икки баробар ошириш» бюджет даромадларини кўпайтиришга ёрдам беради.