Қрим ИИВ ўн ёшли қизчанинг тик-токида “Россия армиясини обрўсизлантириш” белгиларини топди

Қримнинг Саки шаҳри полицияси маҳаллий мактаб ўқувчисининг “ТикТок” саҳифасида “Россия Қуролли кучларини обрўсизлантириш” ва “Россия давлат байроғини таҳқирлаш” белгиларини топди. Бу ҳақда Россия вазирлигининг ҳудудий бошқармаси телеграм-канали хабар беради.

Видеода қиз Украина ва Россия байроқлари орасидан танлайди. У биринчисига юрак, иккинчисига эса ғазабланган эмодзини берган.

Мактаб ўқувчиси жиноий жавобгарликка тортилиши мумкин бўлган ёшга етмаганлиги сабабли, унинг 38 ёшли онасига нисбатан вояга етмаганларни тарбиялаш мажбуриятларини бажармаганлиги тўғрисида баённома тузилади, дея тушунтиради ИИВ (РФ МЖКнинг 5.35-моддаси).