Россия ОАВ: Москвада меҳнат муҳожирларига “ов” бошланди

“Крокус Сити Холл”даги терактдан кейин Москвада муҳожирларни текшириш кучайтирилди. Марказий Осиёдан келган шахсларга алоҳида эътибор қаратилиб, хавфсизлик чоралари қатъийлаштирилди.

Маълум қилинишича, ички ишлар вазири Колокольцев ноқонуний миграцияга қарши курашни кучайтиришни буюрган. Полиция чет эл фуқаролари, биринчи навбатда, Тожикистон фуқаролари билан чекланмаган бўлса-да, уларни текширишни кучайтирди. Москва туман судлари Россия Федерацияси Маъмурий ҳуқуқбузарликлар тўғрисидаги кодексининг 18.8-моддасига биноан, чет эл фуқароларининг Россияга кириш қоидаларини бузиш билан боғлиқ ишлар кўплигини қайд этади.

Колокольцев атрофидагиларнинг маълумотларига кўра, унинг ноқонуний муҳожирлик масаласида қатъий позицияси борлиги ва текширувлар нафақат Москвадаги, балки унинг чегараларидан ташқаридаги қурилиш объектлари ва корхоналарига ҳам татбиқ этилиши кутилмоқда. Вазирнинг обрўсини сақлаб қолишга ёрдам берган журналист Владимир Соловьёвнинг таъсири таъкидланади.

“Янги террорчилик хуружлари хавфи фонида бундай чоралар ўзини оқлади”, — дейди ИИВдаги манба. Шунингдек, у махсус ҳарбий амалиёт бошланганидан бери Россия фуқаролигини олишни хоҳловчи чет эл фуқаролари сони сезиларли даражада камайганини таъкидлади. Бироқ, ноқонуний миграция йўқолгани йўқ. Бундай ҳаракатлар Колокольцевни қутқарадими ёки йўқми – буни вақт кўрсатади. Шунингдек, вазирнинг Сергей Шойгу билан ноқонуний муҳожирларнинг махсус ҳарбий амалиётга алоқадорлиги бўйича музокаралари ҳақида ҳам гап бор, бироқ бу муҳокамалар тафсилотлари ҳозирча номаълум.