Шимолий Корея РФга қурол-яроғ етказиб бериш суръатини оширмоқда

“Жанубий Корея маълумотларига кўра, Пхеньян Россияга 152 мм калибрли 3 млн.га яқин снарядларни сиғдира оладиган 6700 га яқин контейнер юборган”, — деб ёзади нашр.

Bloomberg агентлигининг Жанубий Корея мудофаа вазири Шин Вонсикнинг сўзларидан иқтибос келтиришича, бунинг эвазига Россия гўёки Шимолий Кореяга озиқ-овқат, хомашё ва қурол ишлаб чиқаришда қўлланиладиган қисмларни етказиб беради.

Озиқ-овқат ёрдами Кимга асосий эҳтиёжлар учун нархларни барқарорлаштиришга ёрдам берди, дейди у, агар қурол-яроғ етказиб бериш кўпайса, Россия Кимга кўпроқ ҳарбий технология жўнатиш ниятида, бу эса Пхеньяннинг минтақага таҳдид қилиш қобилиятини ошириши мумкин, дейди вазир.

Москва ва Пхеньян ўртасидаги ўзаро ҳамкорлик санкциялар туфайли узоқ вақтдан бери изоляция қилинган Шимолий Корея иқтисодиётига туртки берди, бу эса диктатор Кимга муроса излашни эътиборсиз қолдириш ва АҚШ билан ўзаро муносабатлардан қочиш имконини беради ва бир вақтнинг ўзида айғоқчи сунъий йўлдошларни жойлаштириш ва ядро дастурини ишлаб чиқиш қобилиятини кенгайтиради.

Етказиб берилган маҳсулотлар учун миннатдорчилик сифатида Путин КХДР етакчисига ҳашаматли лимузин совға қилган.