НАТО бош котиби: Украина Ғарб қуроли билан Россияга зарба бериш ҳуқуқига эга

НАТО бош котиби Йенс Столтенберг The Economist журналига берган интервьюсида Украина етказиб берилган қурол билан Россия ҳудуди бўйлаб зарбалар бериш ҳуқуқига эга бўлиши кераклигини айтди, деб ёзади “Коммерсантъ”. Унинг таъкидлашича, альянс раҳбариятининг Украинага ер устида қўшинларини йўналтириш ниятлари йўқ.

“Украина ҳимояланиш ҳуқуқига эга. Ва бу Россия ҳудудидаги нишонларга зарбаларни ҳам ўз ичига олади”, — деди Столтенберг. The Economist қайд этишича, НАТО бош котиби АҚШнинг ушбу масала бўйича позицияси туфайли, Россия қўлга киритган “асимметрик устунликни яхши англайди”.

Интервьюда Столтенберг НАТО собиқ бош котиби Андерс Фог  Расмуссеннинг гапларини ҳам изоҳлади, у 14 май куни Шарқий Европадаги НАТО мамлакатларига Россиянинг Украинага қарата отилган ракета ва дронларини уриб туширишга рухсат беришга чақирган эди.

“Биз низо томонларидан бирига айланмаймиз”, — деди Столтенберг. Шунингдек, у альянс Украинага қўшинлар юборишни режалаштирмаётганини, чунки НАТО ҳамон Украинани қўллаб-қувватлаш ва альянс буни Россия билан тўлиқ кўламли низога айлантириб юбормаслигини кафолатлаш мақсадига риоя қилишини таъкидлади.