Украинадаги уруш “фахрийси” Екатеринбургда болға билан ИИВ пенсионерини урди

Екатеринбург шаҳрида, Вторчермет туманида ҳарбий кийимдаги маст эркак 62 ёшли нафақадаги қўшнисининг хонадонига бостириб кириб, уни болға билан урган. Бу ҳақда жабрланувчининг қизи маҳаллий “Свет” телеграм каналига хабар берган.

“Нафақадаги отамга қўшнимиз ҳужум қилиб, хонадонга бостириб кириб, бошини болға билан жароҳатлади. Илгари у ноадекват ҳолатда, бутун ҳовлига, жумладан, болаларга таҳдид солган. У отамни калтаклаганида, у махсус ҳарбий амалиётдан келганини, унга ҳеч нарса бўлмаслигини бақириб айтди”, — дейди аёл.

“Фахрий” 35 ёшли Юрий Лопатин. Жабрланувчининг қариндошлари полицияга ариза ёзишган, бироқ “Свет” маълумотларига кўра, хавфсизлик кучлари уни ҳибсга олмаган – улар фақат сўроқ қилиб, қўйиб юборган.

“Свет” канали шунингдек, Лопатин жабрланувчининг оиласи билан гаплашаётгани ва нафақахўрнинг ўзи унга ҳужум қилгани ҳақида айтаётгани акс этган видеони чоп этди.

“Мен бобони болға билан урганим йўқ. <…> Болға ҳар доим ёнимда, мен бобога тегмаганман, – деб ишонтиради Лопатин суҳбатда. Бундан ташқари, “Нега бобони болға билан ургансиз?” деган саволга жавобан. у: “Чунки унинг менга ўзи ҳужум қилди”, – дея жавоб берган.

Ҳарбий хизматчининг сўзларига кўра, у нафақадаги қўшнисига келган, чунки у Лопатиннинг онасига “шикоят билдирган”. It’s My City нашрига кўра, 2 июндан 3 июнга ўтар кечаси ҳарбий хизматчи маст ҳолатда ҳовлида бақириб юрган, қўшнилари полицияга шикоят қилган.

Яраланган пенсионер транспорт полициясининг фахрийси, Оренбург казак армиясининг аъзоси, у ёшларни ватанпарварлик руҳида тарбиялаш билан шуғулланади, деб ёзади ОАВ.

Екатеринбург ИИВБ матбуот гуруҳи воқеани “ўзаро жанжал” деб атаган ва тергов ўтказилаётганини айтган.

Лопатин бундан олдин икки марта қотиллик учун судланган. Биринчи марта у ўлимга олиб келган оғир тан жароҳати етказганликда айбланиб, ўн йил ўтириб чиққан, 2018 йилда озодликка чиққан ва икки йилдан сўнг 61 ёшли қўшни аёлни шафқатсизларча ўлдирган. Иккинчи марта у 14 йилга озодликдан маҳрум этилган. Афтидан, у қамоқхонадан ёки колониядан урушга ёлланган.