Урушга қарши фаол Павел Кушнир очлик эълон қилганидан сўнг Биробиджан тергов изоляторида вафот этди

Павел Кушнир 39 ёшда эди, дея хабар беради “Ўтирган Рус” лойиҳаси раҳбари Ольга Романова ва фаолнинг дўсти, пианиночи Ольга Шкригуновага таяниб “Вот Так” нашри. Романованинг сўзларига кўра, Кушнир қуруқ очлик эълон қилган ва “унинг организми бунга чидай олмаган”. Унинг ўлимининг бошқа тафсилотлари ҳозирча номаълум.

Май ойининг охирида маҳаллий филармонияда ишлаган Кушнир ФХХ ходимлари томонидан ҳибсга олинган. Кушнирга нисбатан террорчилик фаолиятига оммавий чақириқ (Жиноят кодексининг 205.2-moddasi) моддаси бўйича жиноят иши қўзғатилган. Кушнирнинг YouTube  каналидаги видеолари, хавфсизлик кучларига кўра, “Россия Федерациясида инқилоб йўли билан конституциявий тузумни зўравонлик билан ағдариб ташлашга чақирган” ва бу таъқибга сабаб бўлган.

“Вот так” нашрига кўра, Павел Кушнир аслида “хорижий агент Малдер” YouTube каналини бошқарган. 2022 йил ноябрь ойидан бери у Россия ҳукумати сиёсатини, қабул қилинган қонунларни ва Украинадаги урушни шеърий танқид қилган тўртта видеони нашр этган. Канал фақат бешта обуначига эга эди.

Ольга Шкригунованинг сўзларига кўра, Кушнир “ҳар доим ғайриоддий ва адолатсизликни чуқур ҳис қиладиган инсон эди”.

“Бир марта, биз ўн беш ёшда бўлганимизда, у тизимга бўйин эгмаслиги бўйича баҳслашгандик. У эгилмади. Демак, у ютиб чиқди”, – дейди Шкригунова.

Пианиночи Павел Кушнир Тамбовда вояга етган ва Чайковский номидаги Москва консерваториясини тамомлаган. Етти йил давомида у Курск облаасти филармониясининг солисти бўлган, кейин уч йил давомида Кургана филармониясида ишлаган. 2023 йилда Биробиджан облаасть филармониясининг солистига айланган.