Жоржия расмийлари: сайтлардаги бомба таҳдидлари Россиядан келиб чиққан

Жоржия штати котиби Бред Раффенспергер бугун эрталаб бир нечта сайлов участкаларига бомба қўйиш таҳдиди Россиядан келганини даъво қилмоқда.

“Биз Россиядан келиб чиққан бир неча таҳдидларни эшитдик. Жамоат хавфсизлигини таъминлаш учун биз буни ҳар доим кўриб чиқамиз “, дея қўшимча қилган у ва мақсад “Американи беқарорлаштиришга” уриниш эканлигини айтган.

Раффенспергер давлат амалдорлари Россия иштирокини қандай аниқлашганига аниқлик киритмаган.

Жами станцияларга бешта қўнғироқ келиб тушди, таҳдид ёлғон бўлиб чиқди. Икки сайлов участкаси эвакуация қилинди, бироқ уларнинг барчаси очиқ ва овоз бериш давом этмоқда.

ФҚБ баёнотида қўнғироқлар ортида ким туриши мумкинлигига аниқлик киритилмаган.

“ФҚБ бутун Жоржия штати бўйлаб олинган бир нечта бомба таҳдидларидан хабардор. Сайловнинг ҳалоллиги ва ҳамжамиятларимиз ҳимояси бизнинг устувор вазифамиздир ва ФҚБ сайлов билан боғлиқ таҳдидларга жавоб бериш учун штат ва маҳаллий ҳуқуқ-тартибот идоралари билан яқиндан ҳамкорлик қилмоқда”, — дейилади CNN баёнотида.

Дам олиш кунларида АҚШ разведка агентликлари гаитиликларнинг президентлик сайловларида овоз бериши ҳақидаги ёлғон хабар ортида Россия турган бўлиши мумкинлигини айтди. Москва бу айбловларни рад этди.