Кечки Анхор: 21 октябрь янгиликлари

Мусулмонлар идорасида хибсга олинган блогерларга ҳукм чиқарилди. Рустам Каримов уч йил ва бир ой муддатга қамалди, Тўлқин Астанов икки йил синов муддати билан шартли равишда беш йилга ҳукм қилинди. Улар “жамоат хавфсизлиги ва жамоат тартибига таҳдид туғдирувчи материалларни тайёрлаш, сақлаш, тарқатиш ёки намойиш этиш” моддаси бўйича айбдор деб тан олинди.
 
ИИВ тўртта қиз ва бир бола томонидан Бекобод махсус мактабининг ўқувчиси калтаклангани ҳақидаги хабарга изоҳ берди. Маълум бўлишича, сентябрь ойида ўқувчи қизлар М. А. ва Д. З. ўртасида турли келишмовчиликлар юзага келади. Вазиятга барҳам бериш учун Д. З. танишлари билан биргаликда мактаб ҳовлиси ёнида М. А. билан учрашади. Юзага келган жанжал натижасида Д. З. ўқувчи қиз М. А. ни уради, у мувозанатни йўқотади ва йиқилиб пешанаси билан бетон қопламага урилади. Д. З. нинг танишлари қизларни ажратади. Жабрланган М.А. касалхонага етказилади. Д.З. ҳали ёш бўлгани учун унинг ота-онасига нисбатан маъмурий иш очилди.
 
Депутатлар суд онлайн-трансляциялари ҳақидаги қонун лойиҳасини рад этди. Уларнинг фикрича, бу шахсий ҳаётга аралашиш ҳисобланади. “Депутатлар бу бизнинг миллий манфаатларга зарар етказиши мумкинлиги ва жамиятимиз бунга тайёр ёки тайёр эмаслиги ҳақидаги масалани кўтаришди”, – дейилади Қуйи палата матбуот хизмати хабарида.
 
Нью-Йорк-Тошкент рейсининг йўловчиси самолёт бортида тахминан маст ҳолда тўполон кўтарган. “Ўз ўрнини эгаллаш ҳақидаги гапларга эътибор бермасдан, уни тинчлантиришга уринган борт кузатувчилари ва йўловчиларга қичқирган ва уларни ҳақорат қилган”, – дейилади МАК хабарида. Тошкентга етиб келгандан сўнг йўловчи ИИВ Транспортда хавфсизликни таъминлаш бош бошқармаси ходимларига топширилди.
 
Ўзбекистон Олий суди: Махмуд Ражаб 5 йил ва 6 ойга озодликдан маҳрум этилди. Тайинланган жазо шартли бўлиб, журналист учун 2 йил ва 6 ой синов муддати белгиланди. Журналист Ўзбекистон Жиноят кодексининг 244 (“Оммавий тартибсизликлар”) ва 246 (“Контрабанда”) моддаларида кўзда тутилган жиноятларни содир этишда айбдор деб топилган.