Сайтимизда чоп этилган мақоладан сўнг Тошкент марказида ўтирадиган жойлар пайдо бўлди (фото)

Бир пайтлар Алишер Навоий номидаги Давлат Академик катта театри орқасидаги кичкина хиёбонда ўтириш жойлари бўлгани, аммо бир йилдан буён улар кўринмай қолгани ҳақидаги мақоламиздан кейин бир ойча вақт ўтди. Яқинда таҳририятимизга мақолани тегишли органларнинг вакиллари ўқигани ва шундан сўнг хиёбонга скамейкаларни қайтаришга қарор қилингани тўғрисида маълум қилинди. Мухбиримиз Тошкентда азим дарахтлар соясида ҳордиқ чиқариш жойи ҳақиқатан ҳам яна биттага кўпайгани ёки йўқлигини текширишга борди. Ҳаммаси тўғри бўлиб чиқди.