Энди Ўзбекистонда олдин блокировка қилинган қатор сайтлар очилмоқда

Internews ташкилотининг сайти ҳамда Озодлик Радиоси, Kloop.kg, «Новый репортер», «Вечерний Бишкек», «Сноб», «Архив интернета» сайтлари ва Soundcloud сервиси Ўзбекистонда VPN сиз очилмоқда.

Шунингдек Spot.uz нашри Lurkmore, Buzzfeed ва WordPress ресурслари ҳам очилаётганига эътибор қаратади.

Anhor нашри томонидан 19 декабрда ўтказилган сўровда 1000 дан зиёд киши қатнашди, уларнинг 67% олдин блокировка қилинган сайтлар VPN сиз очилаётганини, 33% эса сайтлар олдингидай улар учун блокировкада эканини қайд этишган.