Ҳаво сифати мониторинги: Тошкент ҳавосини ҳафталик шарҳи

Ўтган ҳафтада Тошкент ҳавосининг сифати қандай ўзгарганлиги ҳақида маълумотларни тақдим этамиз.

Тошкент шаҳридаги ҳавони ифлослантирувчи асосий модда майда чангдир (ПМ2.5). Ўртача бир ҳафта давомида Тошкент ҳавосидаги ПМ2,5 концентрацияси 37 мкг/м3 ни ташкил этди, бу ЖССТ тавсия қилган даражадан 3 баравар юқори.

Ҳаво сифати динамикаси

IqAir.com сайтига кўра:

Ўтган ҳафтада қайд этилган энг ёмон ҳаво сифати ифлослантирувчи моддалар 146 АҚИ даражасида бўлди, бу меъёрдан уч баравар юқори. Бу 10-январ, чоршанба куни болган.

Ҳафтанинг дастлабки икки кунида ҳаводаги ПМ 2,5 миқдори ҳам меъёрдан анча юқори бўлган. 8-январ, душанба куни 1,5 баравардан ортиқ (88 АҚИ), сешанба куни нормадан 2 баравар юқори (94 А)

Ҳафтанинг иккинчи ярмида ҳавонинг ифлосланиши бироз камайди, лекин меъёрдан анча юқори ва саломатлик учун ҳавфли бўлди.

Пайшанба куни ҳаво заиф одамларнинг соғлиғига хавф туғдириши мумкин (125 АҚИ) бўлди, чунки ифлослантирувчи моддалар даражаси одатдагидан икки ярим баравар юқори эди.

Жума ва шанба кунлари ҳаво кўрсаткичлари мос равишда 89 ва 86 АҚИ ни ташкил этди, бу ҳам нормадан бир ярим баравар юқори.

Ёмғирли об-ҳавога қарамай, 14-январ, якшанба куни ҳаво ифлосланганлигича қолди (95 АҚИ, бу меъёрдан деярли икки баравар кўп).

Ўртача ҳафталик ҳаво сифати ~103 АҚИ ни ташкил этди, бу меъёрдан икки баравар кўп.