Максим Галкин Балигача бора олмади: унинг концерти бекор қилинди

Максим Галкин Индонезиянинг Денпасар шаҳридаги аэропортда ҳибсга олинган, сўнгра депортация қилинган, деб хабар берди журналист ва Дозжд телеканали бошловчиси Анна Монгаит ўз манбасига таяниб.

Галкин Балида “Прекрасное недалеко” концерти доирасида чиқиш қилиши керак эди. Бироқ гастрол визаси ва керакли ҳужжатларга эга бўлишига қарамай, у Индонезияга киритилмаган. Галкинга унинг паспорти қандайдир қора рўйхатда эканлиги ҳақида хабар берилган. Манбага кўра, бу Индонезияда россиялик санъаткор билан содир бўлган биринчи ҳолат: аввалроқ Балида Земфира ва Oxxxymiron (Мирон Федоров) концертлари чекловларсиз ўтган эди.

Таиландда Галкиннинг чиқишлари аллақачон бекор қилинган. У ерда комедиячи Руслан Белйнинг чиқишлари ҳам бекор қилинди. Белий мамлакат расмийларига тегишли сўров Россия консуллигидан келгани айтилган.