Президент: «Конституцияга тузатишлар масаласида шошмаслик керак»

Ўзбекистон Президенти Шавкат Мирзиёев 6 октябрь куни Сирдарё вилоятининг Сайхунобод туманида бўлиб ўтган йиғилишда Конституцияга ўзгартиришлар киритишда шошилиш керак эмаслигини яна бир бор таъкидлади. Бу ҳақда «Газета» нашри ёзади.

Давлат раҳбари 1 августгача 150 мингдан ортиқ ўзгаришлар киритиш бўйича таклифлар келиб тушганини эслатиб, “Бу халқимиз эртанги кунга бефарқ эмаслигидан далолат беради”, – деди.

“Ўқитувчилар, олимлар, тадбиркорлар, фахрийлар, оқсоқоллар ва бошқалар – жамиятда етакчи ким бўлишидан қатъи назар, ҳар бири ўзига яраша қонун, Конституция билан ҳимоя қилиниши кераклигини айтмоқда. Шу боис, [конституциявий] комиссия 1 августдан кейин [ўзгартиришлар лойиҳаси] муҳокама тугаллангандан сўнг ўз фаолиятини давом эттирмоқда. Шундан кейин ҳам 2500 га яқин таклиф келиб тушди”, — деди президент.

“Мукаммал ва халқона” Конституцияни яратиш учун “шошилишнинг ҳожати йўқ”, деди давлат раҳбари. Аввалроқ у янгиланган ҳужжатни “шошилмасдан, чуқур ўйлаб, халқимиз билан маслаҳатлашгандан кейин” қабул қилиш кераклигини бир неча бор таъкидлаган эди.

“Менинг таклифим – шошилиш керакмас 150 000 киши… Қачон улар келажакда ташаббуслар бўйича ўз таклифларини беришни бошлайди? Масалан, одамлар очиқ бюджет бўйича овоз беришни ўрганишди, шундай эмасми? Адолат бўлса, жамият ўзгаради. Ҳеч ким [бу жараёнга] аралашмаяптику. Энди бир тасаввур қилинг, агар барча ажратилган маблағлар очиқ бюджетга чиқарилса ва одамлар овоз берса, бу мен учун қанчалик яхши бўларди. 10 баробар адолатли бўларди, 15 баробар кўпроқ маблағ тежаларди”, — деди Шавкат Мирзиёев.

Давлат раҳбари, агар керак бўлса, “халқ Конституцияни ўзиникидек қабул қилиши” учун “яна аҳоли билан келишилган” тузатишлар киритилишини яна бир бор таъкидлади.

“Одамларга 150 000 га яқин таклиф бўйича жавоб беришимиз керак: нима тўғри ёки нотўғри, нега буни қабул қиламиз ва буни эса йўқ. Одамлар “мени ҳам эшитишди”, – деб айтадиган вақт келяпти. Ўйлайманки, шошмаслик тўғри бўлади», – дея таъкидлади у.

Аввалроқ, биз олдинги конституциявий референдумлар учун сарфланган маблағни аниқлашга ҳаракат қилган эдик.