Президентнинг Тожикистонга бўлган сафари якунланди
Ўзбекистон Республикаси Президенти Шавкат Мирзиёевнинг Тожикистонга давлат ташрифи доирасидаги тадбирлар якунига етди.
Куни кеча Ўзбекистон раҳбари Президент Эмомали Раҳмон билан тор доирада ва кенгайтирилган таркибда музокаралар ўтказди. Давлат раҳбарлари икки томонлама муносабатларда янги тарихий босқични бошлаб берган Иттифоқчилик муносабатлари тўғрисидаги шартномани имзоладилар.
“Президентларнинг фармонлари билан юксак фахрий унвонларга сазовор бўлган икки мамлакат маданият ва санъат арбобларидан бир гуруҳини тақдирлаш маросими бўлиб ўтди. Етакчилар биргаликда “Дўстлик оқшоми” концерт дастурини томоша қилдилар”, – дейилади хабарда.
Бугун Шавкат Мирзиёев Тожикистон Парламенти қуйи палатаси Раиси Маҳмадтоир Зокирзода ва Бош вазир Қоҳир Расулзода билан учрашувлар ўтказди.
Давлат раҳбарлари Ўзбекистоннинг Душанбедаги элчихонаси янги биносини тантанали равишда очиб бердилар ҳамда Ўзбекистон саноат маҳсулотлари кўргазмаси билан танишдилар.
Душанбе халқаро аэропортида давлат раҳбарини Президент Эмомали Раҳмон кузатиб қўйди. Президент Шавкат Мирзиёев Тошкентга қайтиб келди.
If you have found a spelling error, please, notify us by selecting that text and pressing Ctrl+Enter.
Тавсиялар
БМТнинг Инсон ҳуқуқлари бўйича қўмитаси Россияга қарши даъво тақдим этди: уни Суриядаги касалхонага онгли равишда ҳужум қилишда айблашмоқда
ЕТТБ Хоразм вилоятида автойўлни реконструкция қилишга 238 млн долларгача миқдорда кредит тақдим этади
“Биз Ўзбекистонни ЖСТга қўшишни истаймиз” – ЕИнинг Ўзбекистондаги элчиси
Украина разведкаси: Россия Запорожье АЭСидаги ядро реакторлари устида дронлар учирмоқда
Электр энергиясидан ноқонуний фойдаланганлар қўлга тушди
USD
EUR
RUB
Шарҳлар