Тошкентдаги Космонавтлар боғи ободонлаштирилади

Космонавтлар боғи ҳудудида (Ички ишлар вазирлигининг биноси ва “Жемчуг” уйи оралиғида) замонавий қулайликларга эга сайр қилиш зонасини барпо этиш режалаштирилган, дея хабар беради Тошкент ҳокимлиги.

“Яккасарой туманида жойлашган “Космонавтлар боғи” замонавий талабларга жавоб бермайди: унда аҳолининг сайр қилиши ва ҳордиқ чиқариши учун шароит етарли эмас”, — дейилади хабарда.

Лойиҳада боғдаги яшил майдонлар ва дарахтларни асраб-авайлаш, яшил ҳудудни янада кенгайтириш кўзда тутилган.

Манба: Тошкент шаҳар ҳокимлиги

– Янги боғда аҳоли эҳтиёжларидан келиб чиққан ҳолда пиёда ва велоспорт йўлаклари, болалар майдончалари ва бошқа қулайликлар барпо этилади.

Ҳокимлик реконструкция вақтида пиёдалар ҳаракати, йўл қисмига чиқиш ва маҳаллий аҳолининг пиёда юриши билан боғлиқ юзага келиши мумкин бўлган ноқулайликлар учун узр сўради.