“Восточний” космодромидан “Ангара А5” ракетаси учирилди

“Ангара-А5” оғир тоифали ракета биринчи марта “Восточний” космодромидан учирилди, деб хабар берди “РИА Новости” мухбири.

Учириш Москва вақти билан 12:00 да бўлиб ўтган. 12 дақиқа 26 сониядан сўнг Орион юқори поғонаси ракетанинг учинчи босқичидан ажралиб чиққан. Энди у орбитага синов юкини етказиши керак.

“Восточний”дан “Ангара-А5” нинг биринчи учирилиши дастлаб 9-апрель куни Москва вақти билан соат 12:00 га режалаштирилган эди, аммо автоматлаштириш бу вақтдан икки дақиқа олдин “ишга тушириш” буйруғини берди. Бунга ракетанинг марказий блокидаги оксидловчи идишининг босим тизимидаги носозлик сабаб бўлган.