Франция Ғарб мамлакатларида Россия пропагандасини тарқатувчи 193 та сайтдан иборат тармоқни аниқлади
Франциянинг чет эл рақамли аралашувидан ҳимоя учун масъул бўлган VIGINUM ҳукумат агентлиги Ғарб мамлакатларида Россия пропагандасини тарқатувчи “тизимлаштирилган ва мувофиқлаштирилган” веб-сайтлар тармоғини аниқлаганини маълум қилди, деб ёзади Meduza.
Тармоқ камида 193 та сайтдан иборат. Дастлаб улар Украина ва Россия аҳоли пунктларидан янгиликлар жойлаштириб борган, аммо истило бошлангач, тармоқ Украинани қўллаб-қувватлайдиган Ғарб мамлакатлари, шу жумладан, Франция аҳолисига қайта мослашган.
Агентлик қайд этишича, Portal Kombat деб ном берилган тармоқ Россия қўшинларининг Украинага бостириб киришини оқлайдиган ва Украина раҳбариятини обрўсизлантирадиган материалларни чоп қилади.
Шу билан бирга, сайтлар ўз контентини яратмайди, балки учта турдаги манбалар: россиялик ёки россияпараст арбоблар ижтимоий тармоқлари, шунингдек, Россия ахборот агентликлари ва ҳукумат органлари хабарларини тарқатади. 2023 йил 23 июндан 19 сентябргача ушбу сайтларда 150 мингдан ортиқ материал эълон қилинган.
Шунингдек, агентлик эътибор қаратишича, тармоққа кирувчи сайтлар бир-бирига жуда ўхшаш. Уларнинг баъзилари домен номи сифатида “pravda” сўзидан фойдаланади, масалан, инглиз тилидаги сайт учун pravda-en.com, француз тилидагиси учун pravda-fr.com.
If you have found a spelling error, please, notify us by selecting that text and pressing Ctrl+Enter.
Тавсиялар
Ҳинд зираворларида заҳар топилди: улар бутун дунё бўйлаб етказилган бўлиши мумкин
Каспий денгизига 1 млрд кубометр тошқин сувлари йўналтирилди
БМТнинг Инсон ҳуқуқлари бўйича қўмитаси Россияга қарши даъво тақдим этди: уни Суриядаги касалхонага онгли равишда ҳужум қилишда айблашмоқда
ЕТТБ Хоразм вилоятида автойўлни реконструкция қилишга 238 млн долларгача миқдорда кредит тақдим этади
“Биз Ўзбекистонни ЖСТга қўшишни истаймиз” – ЕИнинг Ўзбекистондаги элчиси
USD
EUR
RUB
Шарҳлар