Германия Ғарбни Ғарбий Украинадаги ҳаво мудофаасини ўз қўлига олишга чақирди

Христиан-демократик иттифоқ (CДУ) мудофаа бўйича эксперти Родерич Кизеветтер; «Ҳохловчи коалиция ўзининг ҳаво ҳужумидан мудофаа зонасини Украинанинг ғарбий қисмига кенглиги 70 дан 100 км гача бўлган коридорда кенгайтириши мумкин», – деди «Neue Osnabrücker Zeitung» газетасига берган интервюсида.

Бундестаг депутатининг сўзларига кўра, бу Украина қуролли кучлари зиммасидаги юкни энгиллаштиради ва мамлакат шарқидаги ҳаво мудофаасини таъминлашга эътибор қаратиш имконини беради.

Немис сиёсатчисининг айтишича, айрим давлатлар, масалан, Литва Украинага дала касалхоналари, миналардан тозалаш муҳандислари ва таъмирлаш қўшинларини юбориш имкониятларини кўриб чиқмоқда. «Бу халқаро ҳуқуқ нуқтаи назаридан мутлақо жоиз ва хавфсизлик сиёсати нуқтаи назаридан оқилона», – дейди Кизеветтер.