Карл III ўлими ҳақидаги миш-мишлар тарқалганидан кейин унинг илк фотосуратлари пайдо бўлди

19 март, сешанба куни Британия матбуоти қирол Карл III нинг янги фотосуратларини чоп этди ва шу тариқа унинг ўлими ҳақида бир кун олдин тарқалган миш-мишларни рад этди. Daily Mail хабарига кўра, монарх Виндзор қасридан чиқиб, Лондондаги Кларенс-хаусга йўл олгани қайд этилган. Саратон касаллигидан даволанаётган 75 ёшли Карл III Беркширдаги уйидан пойтахтга жўнаб кетаётганида қироллик лимузинининг орқа ўриндиғида кўринган.

Қирол Карл III нинг ўлими ҳақидаги маълумот 18 март куни Букингем саройидан келган хабарга асосланиб, баъзи оммавий ахборот воситалари томонидан нотўғри тарқатилган. Бироқ, кейинчалик қироллик қароргоҳи матбуот хизмати бу даъволарни рад этиб, монарх тирик эканлигини ва расмий ва шахсий фаолият билан шуғулланишда давом этаётганини тасдиқлади.