Ким Чен Ин биринчи марта тадбирга Путин совға қилган Aurus автомобилида келди
Шимолий Корея етакчиси Ким Чен Ин жамоат тадбирига биринчи марта Россия президенти Владимир Путин томонидан совға қилинган Aurus автомобилида келди. Бу ҳақда Корея Меҳнат партияси тарғибот ва ташвиқот бўлими бошлиғи ўринбосари, КХДР етакчисининг синглиси Ким Ё Чжон маълум қилди.
“Шахсий машинанинг алоҳида функциялари мукаммал ва мутлақо ишончли”, — дейилади унинг баёнотида.
Ким Чен Ин томонидан ушбу автомобилнинг қўлланилиши “ҳар томонлама мустаҳкамланаётган ва янги, янада баландроқ босқичда ривожланаётган Корея-Россия дўстлигининг ёрқин рамзидир”, дея қайд этди Ким Ё Чжон.
18 февраль куни Россия президенти Владимир Путин КХДР етакчиси Ким Чен Иннинг туғилган кунига атаб унга Aurus автомобилини совға қилгани хабар берилган эди. Россия президенти матбуот котиби Дмитрий Песков Владимир Путин КХДР етакчиси Ким Чен Инга машина совға қилганини тасдиқлади. У Aurus автомобили бўлган. Песков машина моделини айтмади.
Кейинроқ ушбу ҳадя БМТ Хавфсизлик кенгашининг Шимолий Кореяга нисбатан санкцияларига зид экани маълум бўлди. БМТ Хавфсизлик кенгаши томонидан Шимолий Корея ядро дастури туфайли жорий қилинган санкциялар КХДРга ҳашамат буюмлари олиб кирилишини тақиқлайди. Тақиқланган маҳсулотлар рўйхатида люкс автомобиллар ҳам бор. Совға ушбу санкцияларга зид бўлиши мумкин.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар