Москвада Украина хавфсизлик хизмати собиқ ходимининг машинасини портлатган шахс қўлга олинди
Россия Федерал хавфсизлик хизмати (ФХХ) 12 апрель куни Москвада Украина хавфсизлик хизмати (УХХ) собиқ ходими Василий Прозоровнинг машинасини портлатиб юборган россияликни қўлга олганини маълум қилди, деб ёзади “Коммерсант”. ФХХ қайд этишича, гумонланувчи Украина томонидан ёлланган.
Автомобилни портлатиб юборган фуқаро ҳарбий операция бошланганидан кейин Украинага ҳудудига кетган. 2023 йил октябрида уни УХХ ходимлари ёллаган.
ФХХ даъво қилишича, гумонланувчига васийлик қилган одам УХХ раҳбари Василий Малюкдан бевосита олинган кўрсатмалар бўйича иш тутган. Фуқаро Россияга қайтиб келиб, портловчи қурилма ясаш учун таркибий қисмларни қўлга киритган ва Василий Прозоров яшайдиган ҳудудда разведка олиб боргач, унинг автомобилига мина ўрнатган.
УХХ собиқ ходимининг машинаси 12 апрель куни Москванинг Ғарбий Дегунино туманида портлаган эди. Детонация Василий Прозоров автомобилни ўт олдирганидан кейин юз берган. Унинг қўл ва оёқлари шикастланган, шунингдек, портлаш тўлқини яқинда турган иккита автомобилга ҳам зарар етказган эди.
If you have found a spelling error, please, notify us by selecting that text and pressing Ctrl+Enter.
Тавсиялар
Россия йирик Европа банкларининг активларини ҳибсга олишни бошлади
Белгород области осмонида тўртта Hammer авиабомбаси ва иккита HARM ракетаси уриб туширилди
Kan Исроил ва Хамас ўртасидаги музокаралар тўхтатилгани ҳақида хабар берди
Таэквондо бўйича Ўзбекистон терма жамоаси Осиё биринчилигида 7 та медални қўлга киритди
ОАВ: Украин ҳарбийлари Зеленскийнинг қароридан ғазабда
USD
EUR
RUB
Шарҳлар