РФ 58-армиясининг собиқ қўмондони 1,7 минг тоннадан ортиқ металл прокат буюмларини талон-тарож қилишда гумон қилинмоқда

58-армиянинг собиқ қўмондони Иван Попов қиймати 130 миллион рублдан ортиқ бўлган 1700 тоннадан ортиқ металл прокатини талон-тарож қилишга алоқадор, дея хабар беради Россия Тергов қўмитаси.

Тергов версиясига кўра, талон-тарож қилинган материаллар Запорожье областида “жанговар чизиқдаги муҳандислик мудофаа иншоотларини жиҳозлаш учун мўлжалланган”.

Тергов “жиноят ишида иштирок этаётган шахсни тавсифловчи маълумотларни, шунингдек тергов давомида аниқланган бошқа ҳолатларни ҳисобга олган ҳолда”, Поповнинг эҳтиёт чорасини ҳибсдан уй қамоғига ўзгартиришни сўрамоқда.

ТАСС агентлиги ҳуқуқ-тартибот идораларига таяниб, 21 май куни Иван Попов қўлга олингани ҳақида хабар берди. 2023 йил июль ойида Попов муаммолар ҳақида хабар бергани ва Россия Мудофаа вазирлиги раҳбариятининг қарорларини танқид қилгани учун 58-армия қўмондони лавозимидан четлаштирилганини айтганди.

Генералнинг, эҳтимол, дастлаб фақат ҳамкасблари учун мўлжалланган мурожаатини Давлат Думаси депутати Андрей Гурулев нашр этган, у аввал 58-армияга қўмондонлик қилган. Сиёсатчилар ва тарғиботчилар Поповнинг баёноти эълон қилинганидан норози бўлишганди.