Россияда газ экспорти 1985 йилдаги даражасига тушиб кетди

2022 йил охирида “Газпром” МДҲдан ташқари давлатларга 101 миллиард куб метр газ сотди, бу бир йил аввалгидан икки баравар кўп. Режага кўра, ушбу ҳажмнинг қарийб 16 миллиард куб метрини Хитой “Сибир қудрати” қувури орқали олиши керак эди. Бир пайтлар “Газпром”нинг энг йирик мижозлари бўлган Туркия ва Европа мамлакатларига етказиб бериш атиги 85 миллиард куб метрни ташкил этди ва Россиянинг замонавий тарихидаги энг паст кўрсаткичга айланди, деб ёзади The Moscow Times.

Таққослаш учун: 1991 йилда “Газпром” Европага 110 миллиард куб метр сотган, СССР империяси қулаган 1985–1991 йилларда йиллик экспорт 70-110 миллиард куб метрни ташкил этган.

Рублда тўлаш ултиматумидан сўнг Европанинг деярли барча мамлакатларига газ етказиб беришни тўхтатиб қўйган Газпром Европанинг асосий истеъмолчиларига газ оқимини кунига 42 миллион куб метргача қисқартирди. Бу газ урушга қарамай, Украинанинг газ транспорт тизими орқали ҳайдалади. “Газпром” “Турк оқими” орқали кунига яна 50 миллион кубометр газ жўнатади, бироқ бу газнинг катта қисми Туркияда қолиб, қолгани Болгария, Сербия ва қўшни давлатларга жўнатилганди.