Бошқа мамлакатларнинг махсус хизматлари Россияга терактни тергов қилишга ёрдам бермаяпти

Россия президентининг матбуот котиби Дмитрий Песков махсус хизматлар “Крокус”даги теракт борасида мустақил иш олиб бораётганини айтди. Унинг сўзларига кўра, бошқа давлатлардан ҳеч қандай ёрдам ҳақида сўз бормаяпти.

Дмитрий Песковга аввалроқ Москвадаги терактлар ҳақида огоҳлантирган Ғарб давлатлари “Крокус”даги теракт борасида бирон-бир маълумотларни берганми ва ҳозир Россияга бундай ёрдам керакми, деган савол берилган.

“Бизнинг хизматларимиз мустақил ишлайди. Бу ерда ҳозир ҳеч қандай ёрдам (бошқа штатлардан) ҳақида сўз бормаяпти”, — дея Песковнинг сўзларидан иқтибос келтиради ТАСС. Унинг қўшимча қилишича, Ғарб билан алоқалар йўқ.

Ўтган шанба куни “Интерфакс”нинг хабар беришича, Россия разведка хизматлари Америка разведкаси Россияни яқинлашиб келаётган теракт ҳақида огоҳлантирганини тасдиқлаган, бироқ бу маълумотлар “ҳеч қандай конкрет маълумотларсиз умумий хусусиятга эга” эканлиги қайд этилган.