Россиялик миллиардерлар активларини РФга қайтаришни бошлади
Ғарб санкцияларига учраган россиялик миллиардерлар аста-секинлик билан активларини ўз ватанига ўтказа бошлади. Бунга кўп жиҳатдан Кипр ва Швейцария таъсисчилари ёки бенефициарлари Россия фуқаролари бўлган оилавий трастларни бошқариш бўйича хизматларни тақдим этмай қўйгани сабаб бўлди. Bloomberg агентлигига икки нафар россиялик миллиардер анонимлик шарти билан маълум қилишича, ўз активларини Россияга ўтказиш чоғида тадбиркорлар бизнеснинг миллийлаштирилиши хавфларига дуч келмоқда.
Агентлик суҳбатдошлари айтишича, ҳозир улар фақат Россияда бизнес олиб боришга мажбур. Давлат уларнинг активларини миллийлаштиришга қодирлиги ҳақида эса ўйламасликка ҳаракат қилишяпти.
Bloomberg томонидан тилга олинган, ўртача ёши 63 га тенг бўлган 26 нафар миллиардернинг умумий бойлиги қарийб 350 миллиард долларга баҳоланмоқда. Ёши туфайли, улар ўз давлатини меросхўрларига бериш йўлларини режалаштиришга мажбур бўлмоқда.
Агентлик ёзишича, Россия анчадан буён ўз миллиардерларини қайтаришга уриниб, меросни топшириш учун қулайроқ шароитларни яратмоқда. Мамлакатда мерос учун солиқ йўқ, шунингдек, мерос фондлари ҳақидаги қонун амал қилади, улар мол-мулкни кейинги авлодга осонлик билан ўтказиш имконини беради.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар