Тбилисида полиция мухолифат партияси етакчисини калтаклади, намойишчилар баррикадалар қурди
30 апрелдан 1 майга ўтар кечаси Грузия пойтахтида хавфсизлик кучлари “Хорижий таъсирнинг шаффофлиги тўғрисида”ги қонунга қарши навбатдаги намойишни қалампир гази, кўздан ёш оқизувчи газ, сув пуркагичлар ва резина ўқлардан фойдаланган ҳолда тарқатишга ҳаракат қилди. Аллақачон тунда намойишчилар Грузия пойтахти марказидаги Руставели хиёбонида баррикадалар қура бошладилар. ОАВ “ўнлаб” одамлар ҳибсга олингани ва яралангани ҳақида хабар бера бошлади.
Хабар қилинишича, полиция Грузия мухолифати “Бирлашган миллий ҳаракат” партияси раҳбари Леван Хабеишвилини калтаклаган. Депутат ўзининг ижтимоий тармоқларига кўзи шишган ва кўкарган жойлар билан тушган суратини жойлаштирди. Маҳаллий матбуотнинг ёзишича, митингда Грузия собиқ президенти Михаил Саакашвилининг шахсий вакили Софо Жапаридзе ва америкалик адвокат Тед Жонас ҳам калтакланган.
Эрталаб соат 4 га келиб полиция намойишчиларни тарқатишга уринишни тўхтатди ва тез орада Руставели хиёбонини тарк этди. Қолган намойишчилар парламент биноси олдидаги бўш жойни эгаллаб, махсус кучлардан баррикадалар билан ажралиб туришган.
If you have found a spelling error, please, notify us by selecting that text and pressing Ctrl+Enter.
Тавсиялар
Шавкат Мирзиёев Эроннинг Ўзбекистондаги элчихонасига ташриф буюрди
ТАСС: Россиялик икки конкида учувчи спортчилар Ўзбекистон учун кураш олиб боришни режалаштирмоқда
Тошкентнинг Кичик ҳалқа автомобиль йўли ва Қорасарой кўчасининг бир қисми ёпилади
Мафтункор Эгей соҳиллари
Европа Иттифоқи ва Ўзбекистон ҳамкорлигига 30 йил / Anhor.uz репортажи
USD
EUR
RUB
Шарҳлар