“Тергов органлари баъзида жасадларни йиллаб бермайди, заҳарланиш ҳолатларини эса ҳатто жасад ёрилганида ҳам аниқлаб бўлмаслиги мумкин” – Навальнийнинг жасади ҳақида

“Такие Дела” нашри суд-тиббиёт эксперти Олга Фатеева билан суҳбатлашди, у Алексей Навальнийнинг жасади билан нималар содир бўлаётгани ва содир бўлиши ҳақидаги муҳим саволларга жавоб берди.

Фатеева Навальнийнинг ўлими сабаби қандай аниқланиши ва нима учун суд эксперти виждонан ишлаганида ҳам ҳар доим ҳам аниқ жавоб олиб бўлмаслиги ҳақида гапирди.

“Агар одам тўмтоқ нарса билан урилган бўлса, тиббий экспертиза буни ҳар доим ҳам аниқлай олмайди. Баъзи ҳолларда мутахассис бундай жароҳатни йиқилиш натижасидаги жароҳатдан ажрата олмайди”.

“Агар қариндошлар хорижда иккинчи экспертизани ўтказмоқчи бўлса, турли ҳужжатларни (ўлим ҳақидаги гувоҳнома, жасадни олиб ўтиш учун рухсатнома ва ҳоказо) йиғишлари керак бўлади. Ички органлардан намуналарни ўзингиз олиб, чет элга тадқиқотга жўнатиш эса жуда қийин, чунки намуналар айнан қаердан келаётганини билишингиз керак, кейин эса уларни музлатгичда сақлашингиз лозим. Биологик материални олиб чиқиш ҳам катта муаммо бўлади. Ҳатто бу маълумотлар ҳам ўлим сабабини аниқлаш учун етарли бўлмаслиги мумкин”.

“Психотроп моддалар билан заҳарланганда аъзолар ва тўқималарда ўзига хос ўзгаришлар бўлмайди, лаборатория ҳар доим ҳам қонда бундай модданинг борлигини аниқлай олмайди: дозаси жуда кичик бўлиши ёки модда парчаланиб кетган бўлиши мумкин”.

“Тергов органлари баъзида жасадни йиллар давомида бермайди, заҳарланиш ҳолатларини эса ҳатто жасад ёрилганида ҳам аниқлаб бўлмаслиги мумкин.”

“Токсикантни аниқлаш масаласи, шунингдек, лабораторияда мавжуд бўлган жиҳозлар, ускуналар ва моддалар кутубхонаси, мавжуд маълумотлар базаси ва тадқиқот натижаларини солиштириш мумкин бўлган масаласидир”.