Трамп учинчи жаҳон урушининг олдини олишини яна бир бор айтди

АҚШнинг собиқ президенти Дональд Трамп учинчи жаҳон урушининг олдини олишга ваъда берди, деб ёзади ТАСС агентлиги.

“Учинчи жаҳон урушининг олдини оламан. Биз учинчи жаҳон урушига жуда яқинмиз ва бу уруш ҳеч бирини такрорламайдиган уруш бўлади”, — деган собиқ давлат раҳбари.

Трамп Оқ уйдаги Овал кабинетга келишидан олдин ҳам тинчликни тиклаши, шунингдек, Россия ва Украина ўртасидаги зиддиятни бартараф этиши мумкинлигини таъкидлади.

Аввалроқ, Трамп агар қайта сайланса, Украинадаги можарони 24 соат ичида ҳал этиш ниятида эканини айтган эди.